२०७० कार्तिक २३ गते, शनिबार

२३ कार्तिक । फिलिपिन्समा शक्तिशाली समुद्री आंधी “हाइयान” का कारण मर्नेको संख्या कम्तिमा सय पुगेको छ । आंधीबाट ताक्लोवान लगायत मध्य फिलिपिन्सका शहरहरु बढी प्रभावित भएका छन् । गत महिना आएको भूकम्पबाट प्रभावित क्षेत्र नै हाइयान आंधीको प्रभावमा परेका छन् ।यो वर्षकै शक्तिशाली मानिएको यस आंधीका कारण सयौं घरका छानाहरु उडाएका छन् भने विद्युत , सञ्चार सेवा समेत अवरुद्ध भएको छ । आंधीका कारण ठाउं ठाउंमा गएको पहिरोले जनजीवन थप कष्टकर भएको समाचारमा जनाइएको छ ।अधिकारीहरुले आंधीबाट १ करोड २० लाख मानिस जोखिममा रहेको जनाएका छन् । हाइयान आंधीको असर भियतनाममा पनि पर्ने अनुमान गरिएको छ ।