२०८१ जेष्ठ २० गते, आईतवार

काठमाडौँ । गाजाको रफाह सीमा क्षेत्रमा आवागमन खोल्ने विषयमा छलफल गर्न आज तीन मुलुकबीच छलफल हुँदैछ। इजिप्टको कायरोमा बस्ने बैठकमा इजिप्ट, इजरायल र संयुक्त राज्य अमेरिकाका अधिकारीहरूबीच गाजाको रफाह सीमा क्षेत्रमा आवागमन खोल्ने विषयमा छलफल हुने बताइएको छ।
इजिप्टको अल–काहेरा टिभीले तीनै देशका अधिकारीहरूलाई उद्धृत गर्दै गाजाको रफाह सीमा क्षेत्रमा आवागमन खोल्ने विषयमा छलफल हुने जनाएको हो।
इजिप्टले प्यालेस्टिनी पक्ष इजरायलको नियन्त्रणमा रहेसम्म रफाह नाका नखोल्ने आफ्नो अडानमा रहेको बताएको उच्च सुरक्षा स्रोतलाई उद्धृत गर्दै समाचारमा उल्लेख छ।
इजरायली सेनाले मे ७ मा प्यालेस्टाइनी पक्षमाथि आफ्नो नियन्त्रण लागू गरेको घोषणा गरेदेखि यो नाका बन्द गरिएको हो।
गाजा र इजिप्टको बीचमा अवस्थित रफाह पार गरी घाइते र बिरामीलाई उपचारका लागि विदेश लैजान र गाजा क्षेत्रमा मानवीय र राहत सहायता प्रदान गर्न मुख्य प्रवेशद्वार हो।
सन् २०२३ अक्टोबर ७ देखि इजरायलले गाजा पट्टीमा हमास आन्दोलन (हमास समूह) विरुद्ध ठूलो मात्रामा आक्रमण गरिरहेको छ। आक्रमणका कारण ३६ हजारभन्दा बढी प्यालेस्टिनीहरूको मृत्यु भएको गाजाका स्वास्थ्य अधिकारीहरूले बताएका छन्।- रासस