२०८० माघ ५ गते, शुक्रबार

काठमाडौँ । ललितपुरको पुल्चोकस्थित होटल स्क्वायरका सञ्चालक तथा प्रबन्ध निर्देशक रोमी अर्यालविरूद्ध पक्राउ पुर्जी जारी भएको छ । गत भदौमा उक्त होटलको स्विमिङ पुलमा स्विमिङ गर्दा करेन्ट लागेर ललितपुरका साजिलमान शाक्य गम्भीर घाइते भएका थिए। त्यसयता उनी कोमामा रहेका छन्। हालसम्म कोमामा रहेका शाक्यका परिवारले प्रहरीमा जाहेरी दिएका थिए ।
पीडित परिवारले जाहेरी दिएपछि होटल सञ्चालक रोमी अर्याललाई पक्राउ गर्न ललितपुर प्रहरीले अदालतसँग अनुमति मागेको थियो । प्रहरीले पेस गरेको प्रमाणका आधारमा अर्यालविरूद्ध पक्राउ पुर्जी जारी भएको ललितपुर प्रहरी परिसरले जनाएको छ।