२०८१ फाल्गुन २३ गते, शुक्रबार

काठमाडौँ । फिफाले पुरुष क्लब विश्वकप प्रतियोगितामा विजेता टोलीहरुलाई एक अर्ब अमेरिकी डलर पुरस्कार वितरण गरिने घोषणा गरेको छ । फिफाले अमेरिकामा हुन लागेको क्लव विश्वकपमा प्रतिस्पर्धा गर्ने ३२ टोलीलाई एक अर्ब डलर पुरस्कार राशि दिने फिफाले घोषणा गरेको हो । स्विट्जरल्याण्डमा भएको पुरस्कार रकम घोषणा कार्यक्रममा फिफाका अध्यक्ष जियानी इन्फान्टिनोले उक्त रकम बाहेक पनि थप २५ करोड डलर प्रतियोगितामा सहभागिता नजनाउने मुलुकमा त्यहाँको फुटबलको विकासका लागि सहयोग गर्ने फिफाको योजना सुनाए ।
फिफाले क्लव विश्वकपका लागि घोषणा गरेको यो पुरस्कार रकम कतारमा आयोजना भएको पछिल्लो विश्वकप फुटबलको पुरस्कार रकम भन्दा दोब्बर भन्दा पनि बढि हो ।
कतार विश्वकपमा कुल ४४ करोड डलर पुरस्कार राशी थियो । प्रत्येक महादेशबाट शीर्ष फुटबल क्लबहरू सहभागी हुने क्लब विश्वकप यो वर्षदेखि ८ टोलीबाट ३२ टोलीमा विस्तार गरिएको छ । – एजेन्सी