२०८१ चैत्र २१ गते, बिहीबार

काठमाडौँ । इन्डियन प्रिमियर लिग (आई.पी.एल.) क्रिकेटमा गुजरात टाइटन्सले रोयल च्यालेन्जर्स बेङ्गलोरलाई पराजित गरेको छ । बेङ्गलोरमा बुधबार भएको खेलमा गुजरात ८ विकेटले विजयी भएको हो । बेङ्गलोरले दिएको १ सय ७० रनको लक्ष्य गुजरातले १७ ओभर ५ बलमा २ विकेट गुमाएर पूरा ग¥यो । गुजरातले खेलेको ३ खेलमध्ये २ मा जीत र १ मा हारका साथ अङ्क तालिकाको चौथो स्थानमा यथावत छ ।
गुजरात पहिलो खेलमा पञ्जाब किङ्ग्ससँग पराजित भएको थियो भने दोस्रोमा मुम्बई इन्डियन्सलाई हराएको थियो । यस्तै, तेस्रो खेलमा पहिलो हार बेहोरेको बेङ्गलोर ४ अङ्कका साथ तेस्रो स्थानमा छ । बेङ्गलोरले यसअघि कोलकाता नाइट राइडर्स र चेन्नई सुपर किङ्सलाई हराएको थियो ।
आई.पी.एल.मा आज राति पौने ८ बजे कोलकाता नाइट राइडर्स र सनराइजर्स हैदराबाद खेल्दैछन् ।