२०८२ जेष्ठ ३२ गते, शनिबार

काठमाडौँ । आज जुन १४ अर्थात विश्व रक्तदाता दिवस; ‘रक्तदान गरौँ, आशा देऊ, सँगै हामी जीवन बचाउँछौँ’ नारासाथ नेपाल लगायत विश्वभर मनाइँदैछ । रक्तसमूह पत्ता लगाउने वैज्ञानिक डा. कार्ल ल्यान्डस्टिनरको जन्मदिन जुन १४ अवसरमा विश्व स्वास्थ्य सङ्गठन (डब्ल्यूएचओ) को आह्वानमा सन् २००४ देखि यो दिवस मनाउन थालिएको हो । दिवसका अवसरमा सुरक्षित रक्तदान र रगत उत्पादन आवश्यकताबारे सचेतना जगाउनुका साथै रक्तदातालाई धन्यवाद ज्ञापन गर्ने गरिन्छ ।
विगत तुलनामा रक्तदानप्रति केही हदसम्म सचेतना फैलिए पनि आवश्यक परेका बेलामा रगत नपाइने समस्या अझै कायम छ । यो समस्या हटाउन रक्तदानप्रति सचेतना फैलाउन आश्यक रहेको सरोकारवालाहरू बताउँछन् ।