२०८२ असार ५ गते, बिहीबार

काठमाडौँ । नेकपा एकीकृत समाजवादी पार्टीका सांसद अम्मर बहादुर थापाले आगामी आर्थिक वर्षको बजेट पुस्तक च्यातेका छन् । आजको संसद् बैठकमा थापाले भौतिक मन्त्रालयको बजेट र समग्र बजेट नै उल्टो बाटोमा हिँडिरहेको भन्दै बजेट पुस्तक च्यातेका हुन् । उनले भने -‘भौतिक मन्त्रालयको बजेटले दैलेखमात्रै नभई धेरै ठाउँका जनतालाई सम्बोधन गर्न सकेन। बजेट किताबले जनताबाट उठेको राजस्वले जनतप्रति उत्तरदायी पूरा नगरेकोले मलाई मन परेन । च्यात्ने अनुमति लिएर च्यातेँ धन्यवाद ।’
थापा प्रतिनिधिसभाअन्तर्गतको शिक्षा तथा स्वास्थ्य समितिका सभापति समेत हुन् ।