२०८२ असार २८ गते, शनिबार

काठमाडौँ । म्यानमारको सागिङ क्षेत्रस्थित एक बौद्ध विहारमा भएको हवाई आक्रमणमा भएको छ । बिहीबार राति भएको उक्त आक्रमणमा २३ जनाको मृत्यु भएको छ।भने आक्रमणमा ३० जना घाइते भएका छन् । जसमध्ये १० जनाको अवस्था गम्भीर छ। मृत्यु हुनेमा चार बालबालिका पनि छन्। मिडिया रिपोर्टका अनुसार राति करिब १ बजे जेट लडाकु विमानले गाउँको गुम्बामा बम खसालेको थियो।
यद्यपी यो हमला कसले गराएको हो भन्ने जानकारी भने खुल्न सकेको छैन। घटनाबारे सेनाले अहिलेसम्म केही बोलेको छैन। म्यानमारको स्वतन्त्र प्रजातान्त्रिक भ्वाइस अफ बर्मा अनलाइन मिडियाका अनुसार मृत्यु हुनेको संख्या ३० सम्म हुन सक्छ।
म्यानमार २०२१ देखि गृहयुद्धमा छ, जुन सन् २०२१ को फेब्रुअरीमा सेनाले गरेको विद्रोहपछि यो देशमा अशान्ति सुरु भयो। सेनाले आङ सान सुकीको नेतृत्वमा निर्वाचित सरकारलाई अपदस्थ गर्यो। यसपछि देशमा अशान्ति फैलिएको हो। यो गृहयुद्धले म्यानमारमा मानवीय संकट ल्याएको छ । संयुक्त राष्ट्रसंघका अनुसार १७.६ मिलियन मानिसहरूलाई सहायताको खाँचो छ र ३० लाखभन्दा बढी विस्थापित भएका छन् र ७५ हजारभन्दा बढीको मृत्यु भइसकेको छ।
सेनामाथि गाउँहरू जलाउने, हवाई आक्रमण गर्ने र युद्ध अपराध गरेको आरोप लगाइएको छ, जसले रोहिंग्या समुदायलाई पनि असर गरेको छ। म्यानमारको गृहयुद्धले अर्थतन्त्र १८ प्रतिशतले संकुचित गरेको छ, जसले गर्दा भोकमरी र गरिबी बढेको छ। – एजेन्सी