२०८२ भाद्र ४ गते, बुधबार

काठमाडौँ । मुख्यमन्त्री रेखा गुप्तामाथि मुख्यमन्त्री निवासमा आक्रमण गर्ने प्रयास भएको छ। आक्रमण हुँदा यहाँ सार्वजनिक सुनुवाइ चलिरहेको थियो। मिडिया रिपोर्टका अनुसार रेखा गुप्तालाई थप्पड हानिएको छ। दिल्लीकी मुख्यमन्त्री गुप्तामाथि आक्रमण गर्ने व्यक्तिलाई प्रहरीले हिरासतमा लिएको छ।
दिल्लीस्थित भाजपाका प्रवक्ता प्रवीण शंकर कपूरले भने- ‘एक ३५ वर्षीय व्यक्ति सार्वजनिक सुनुवाइमा आए। उनले मुख्यमन्त्रीलाई केही कागजात दिए। त्यसपछि केही झगडा भयो। उनले आक्रमण गर्ने प्रयास गरे। यो हताश भएको कुनै पनि पार्टीको काम हुन सक्छ।’
रेखा गुप्ता २० फेब्रुअरी २०२५ मा दिल्लीको मुख्यमन्त्री बनेकी हुन्। दिल्ली विधानसभा चुनावमा उनले आपकी वन्दना कुमारीलाई २९,५९५ मतले पराजित गरेकी थिइन्। रेखा लामो समयदेखि राष्ट्रिय स्वयंसेवक संघ (आरएसएस) सँग सम्बन्धित छिन्। मुख्यमन्त्री बन्नुअघि उनी दिल्ली भाजपाको महासचिव र भाजपा महिला मोर्चाको राष्ट्रिय उपाध्यक्ष पनि रहेकी छिन्। – एजेन्सी