२०८२ भाद्र ९ गते, सोमबार

काठमाडौँ । कवाड व्यवसायी समाजले काठमाडौं महानगरपालिकाको कार्यालय घेराउ गरेको छ । कवाड व्यवसायी समाजले संविधानले दिएको पेशा व्यवसाय गर्न पाउने हक अधिकारको ग्यारेन्टी गर्नुपर्ने, कवाड व्यवसायी, संकलक, मजदुरमाथि महानगरबाट भइरहेको कुटपिट, अपहरण, ज्यादती, संरचना भत्काउने कार्यहरू तत्काल रोकिनुपर्ने, ज्यादतीमा संलग्न काठमाडौं महानगर प्रहरीलाई कानूनी कारबाही गर्नुपर्ने माग गर्दै काठमाडौं महानगरपालिकाको कार्यालय घेराउ गरेको हो।
त्यस्तै, उनीहरूले कवाड व्यवसायी, संकलक, मजदुरको जिउ–धनको सुरक्षा सुनिश्चित गर्न सरकारले तत्काल हस्तक्षेप गर्नुपर्ने र विगत २ वर्षमा महानगर प्रहरीले कवाड व्यवसायीमाथि पुर्‍याएको क्षतिको क्षतिपूर्ति दिनुपर्ने समेत माग गरेका छन्।