२०८२ आश्विन ३० गते, बिहीबार

काठमाडौँ । जिल्ला प्रहरी कार्यालय अर्घाखाँचीका अनुसार दुई मोटरसाइकल आपसमा ठक्कर खाँदा दुई जनाको मृत्यु भएको छ। अर्घाखाँचीको छत्रदेवमा गएराती भएको उक्त दुर्घटनामा अन्य दुई जना युवा घाइते भएका छन्। अर्घाखाँची छत्रदेव गाउँपालिका–१ सौरेखोला स्थित खर्ज्याङबाट दुर्गाफाँटतर्फ जाँदै गरेको लु ३३ प ६५४४ नम्बरको मोटरसाइकल र गुल्मी छत्रकोट गाउँपालिका–६ दौघाबाट जाँदै गरेको मोटरसाइकल आपसमा ठक्कर खाँदा दुर्घटना भएको हो।
दुर्घटनामा दुवै मोटरसाइकका चालको मृत्यु भएको प्रहरीले जनाएकाे छ। मृत्यु हुनेमा अर्घाखाँची पाणेनी गाउँपालिमा–५ मैदान घर भएका २१ वर्षी तारा बेलबासे र गुल्मी छत्रकोट गाउँपालिका–६ दौघा मोहोरे घर भएका ३५ वर्षीय सुमन सुनार रहेका छन्।
दुर्घटनामा मोटरसाइकको पछाडि सवार अर्घाखाँची पाणेनी घर भएकी वर्ष १८ वर्षीया दिपा कोइराला र छत्रकोटका सुरज सुनार घाइते भएका छन्। उनीहरुको अवस्था गम्भीर रहेको प्रहरीले जनाएको छ।
प्राथमिक उपचारपछि थप उपचारको लागि उनीहरुलाई लुम्बिनी मेडिकल कलेज प्रभास पाल्पा रिफर गरिएको प्रहरीले जनाएकाे छ। दुवै मोटरसाइकल तीव्र गतिको कारण दुर्घटनामा परेको अनुमान प्रहरीले गरेको छ।