२०८२ मंसिर १७ गते, मंगलवार

काठमाडौँ । भारतको तमिलनाडुमा चक्रवात डिट्वाबाट ३ जनाको मृत्यु भएको छ। तमिलनाडुमा चक्रवात डिट्वाहले गर्दा भएको वर्षासँग सम्बन्धित घटनामा कम्तिमा तीन जनाको मृत्युका साथै लगभग १५० गाईवस्तु मरेका छन् । वर्षाले २०० भन्दा बढी घर र झुपडीहरूमा क्षति पु¥याएको छ । राज्यको ५६ हजार हेक्टर खेतीयोग्य जमिन डुबानमा पारेको छ ।
स्थानीय अधिकारीहरूकाअनुसार भारी वर्षाको पूर्वानुमान गरिएका जिल्लाहरूमा ३८ राहत शिविरहरू स्थापना गरिएको छ । यसैबीच, राज्य विपद् प्रतिक्रिया बल र राष्ट्रिय विपद् प्रतिक्रिया बलका २८ टोलीहरू खटाइएको छ । चक्रवात डिट्वा शुक्रवार श्रीलंकामा फैलिएको थियो । जसमा मुसलधारे वर्षाले पहिरो र बाढी निम्त्याएको थियो । मृत्यु हुनेको संख्या २ सय १२ पुगेको छ र देशमा २ सय १८ जना बेपत्ता भएको रिपोर्ट गरिएको छ ।