२०८२ पुष ७ गते, सोमबार

काठमाडौँ । भन्सार विभागका अनुसार चालु आर्थिक वर्ष पाँच महिनामा ७ खर्ब ६६ अर्ब १८ करोड रुपैयाँको वस्तु आयात भएको छ। यो आयात पोहोर पहिलो पाँच महिनाको तुलनामा १५.८३ प्रतिशत बढी हो। पोहोर पाँच महिनामा ६ खर्ब ६१ अर्ब ४८ करोड रुपैयाँको वस्तु आयात भएको थियो।
असोजमा १ खर्ब ६२ अर्ब ९२ करोड ८२ लाख, भदौमा १ खर्ब ६२ अर्ब ११ करोड र साउनमा १ खर्ब ४३ अर्ब ४ करोड रुपैयाँको वस्तु आयात भएको तथ्यांक छ।
यस्तै पाँच महिनामा निर्यात एक खर्ब नाघेको छ। विभागका अनुसार साउनदेखि मंसिरसम्म १ खर्ब १६ अर्ब ५० करोड रुपैयाँको वस्तु निर्यात भएको हो। यो निर्यात पोहोरको सोही अवधिको तुलनामा ५८.१७ प्रतिशत बढी हो। यसपालि मंसिरमा मात्र २३ अर्ब रुपैयाँको वस्तु निर्यात भएको छ।