२०७२ भाद्र ४ गते, शुक्रबार

काठमाडौं, ४ भदौ । पशुपतिको मृगस्थलीमा बस्दै आएका स्वामी प्रपन्नाचार्यको ९२ वर्षको उमेरमा शुक्रबार बिहान साढे ३ बजे निधन भएको छ । विसं.१९७९ सालमा पाँचथरको फिदिममा जन्मिएका प्रपन्नाचार्य लामो समयदेखि फोक्सोको संक्रमण र श्वासप्रश्वास रोगका कारण पीडित थिए । ३० वर्षको उमेरमा पढ्न शुरु गरेका स्वामी प्रपन्नाचार्यले हिन्दू धर्मसम्बन्धी धेरै किताव लेखेका छन् । उनी वेदको ज्ञातासमेत थिए । उनको वास्तविक नाम काले राई भए पनि उनलाई सबैले स्वामी प्रपन्नाचार्यको नामले चिन्दछन् । उनको पार्थिव शरीर श्रद्धाञ्जलीका लागि शुक्रबार पशुपतिको मृगस्थलीमै राखिने भएको छ ।