२०७२ कार्तिक २ गते, सोमबार

काठमाडौँ, २ कात्तिक । नवनिर्वाचित उपसभामुख गङ्गाप्रसाद यादवले आज पद तथा गोपनीयताको शपथ लिएका छन । सभामुख ओनसरी घर्तिमगरले व्यवस्थापिका–संसद् सचिवालयमा आयोजित विशेष समारोहमा उनलाई पद तथा गोपनीयताको शपथ दिलाएका हुन् । विसं २००७ मा सप्तरीको जोगिनिया–७ मा जन्मनुभएका यादव राष्ट्रिय प्रजातन्त्र पार्टी (नेपाल)का केन्द्रीय सदस्य छन ।
विसं २०४६ मा प्रजातन्त्रको पुनःस्थापनापछि उनि मुलुकको आठाँै उपसभामुखको रुपमा गत असोज २९ गते संसद्मा भएको निर्वाचनमा निर्विरोध चुनिएका थिए । विसं २०२६ देखि राजनीतिमा प्रवेश गर्नुभएका यादवले मुलुकमा लोकतन्त्रका लागि विभिन्न समयमा भएका आन्दोलनमा दुई महिना १० दिन बन्दी जीवन बिताएका थिए ।