२०७२ माघ ६ गते, बुधबार

काठमाडौ, ६ माघ । नेपाल आयल निगमले आजबाट मोटरसाइकललाई इन्धन वितरण गरिने भएको छ । निगमले आज, शुक्रबार र सोमबार तीनदिन दर्ता नम्बर (लट) को आधारमा पेट्रोल बाँड्ने जनाएको छ । पाँच लिटरका दरले पेट्रोल वितरण हुनेछ । निगमले आज १ देखि ३० लट, शुक्रबार ३१ देखि ५० र सोमबार ५१ लटभन्दा माथिका मोटरसाइकल,स्कुटरलाई इन्धन दिने जनाएको हो । नाकाबन्दीयता निगमले चौथो पटक निजी सवारी साधनलाई कोटा तोकेर इन्धन दिन लागेको हो ।