२०७२ चैत्र १७ गते, बुधबार

काठमाडौं, १७ चैत । राप्रपा नेपालमा अध्यक्ष कमल थापा र सहअध्यक्ष केशरबहादुर विष्टबीच बिबाद बढेको छ । अध्यक्ष कमल थापाको कार्यशैलीप्रति सहअध्यक्ष विष्टले मंगलबार विज्ञप्ति जारी गरी असन्तुष्टि जनाएका छन् । सहअध्यक्ष विष्टले मंगलबार विज्ञप्ति जारी गरी नेतृत्व तहबाट पार्टीको नीति र सिद्धान्त पालना नभएको भन्दै असन्तुष्टि व्यक्त गरेका हुन् ।
उनले गत असोज ३ गते संविधान जारी भएपछि जातीय, क्षेत्रीय, धार्मिकलगायतका विषयमा देश विभाजित भएको भन्दै यस्तो अवस्थामा संविधान स्वीकारेर सरकारमा बस्न नसकिने स्पष्ट पारेका छन् ।
गणतन्त्र, संघीयता, धर्मनिरपेक्षताको सवालमा मुलुकको राजनीति नराम्ररी विभाजित भएको उनको निष्कर्ष छ । विष्टले पार्टीको खास जोगाउन तत्काल सरकारबाट बाहिरिनुपर्ने, जनमतको सम्मान गर्नुपर्नेलगायतका माग राखेका छन् ।