२०७२ चैत्र २८ गते, आईतवार

काठमाडौँ, २८ चैत । बेरोजगारी अन्त्य तथा दक्ष जनशक्ति निर्माणका लागि धार्मिक र सांस्कृतिक प्रवद्र्धनसहित चन्द्रागिरि नगरपालिकास्थित चुन्देवी, चन्नेपाटीमा चलखेल बजार सुरु भएको छ । युवाको विदेश पलायन रोक्न र आर्थिक विकासको लक्ष्यसहित विभिन्न १० वटा सटरबाट सो बजार सुरु भएको हो । बजारको शनिबार उद्घाटन गर्दै चन्द्रागिरि नगरपालिका कार्यकारी प्रमुख गोविन्दप्रसाद पाण्डेले आर्थिक र सामाजिक विकासमा बजारको स्थापनाले भूमिका खेल्ने विश्वास व्यक्त गरे ।
कार्यक्रममा सांस्कृतिक संस्थानका महाप्रबन्धक राजेश थापा, नेपाल हस्तकला सङ्घका विभागीय प्रमुख सुष्माराज भण्डारीलगायतले शुभकामना दिएका थिए । बजारका प्रमुख वसन्तकुमार खत्रीले स्थानीय बलम्बु टोल र अन्य स्थानमा पनि युवा स्वरोजगारीका लाग प्रवद्र्धनात्मक र सांस्कृतिक कार्यक्रम गरिने जानकारी दिए ।