२०७३ असार ८ गते, बुधबार

काठमाडौँ, ८ असार । व्यवस्थापिका–संसद्को आजको बैठकमा नेपाली काँग्रेसका वरिष्ठ नेता रामचन्द्र पौडेलले संविधान कार्यान्वयनभन्दा सत्ता जोगाउन सत्तासाझेदार दलहरु लागेको बताएका छन । उनले सभामुख ओनसरी घर्तीसित समय लिई स्थानीय निकायको निर्वाचन नयाँ संविधानको संरचनाअनुसार हुनुपर्छ भन्दै निर्वाचनसित आफ्नो पार्टी नडराउने उद्घोष गरे । पौडेलले भूकम्पपीडित जनतालाई आवास निर्माणका लागि दिइने भनेको रु दुई लाख तत्काल वितरण गर्न सरकारको ध्यानाकर्षण गराउँदै भूकम्पपीडित जनता अहिले पनि खुल्ला आकासमुनि बस्न बाध्य भइराखेको बताए ।
अफगानिस्तानमा आतङ्ककारी समूहको आततायी घटनामा परी मृत्यु भएका १२ नेपालीप्रति भावपूर्ण श्रद्धाञ्जलि व्यक्त गर्दै उनले सम्बन्धित परिवारजनमा समवेदना व्यक्त गरे ।