२०७३ असार १८ गते, शनिबार

काठमाडौं, १८ असार । पोखरा रानीपौवास्थित साइ अर्चना हस्पिटलमा एक महिलाले भन्डै ६ किलोको शिशु जन्माएकी छन् । स्याङ्जा एलादी–१ घर भइ हाल पोखरा काजीपोखरी बस्दै आएकी २८ वर्षीया लक्ष्मी गुरुङले ५ किलो ७५ ग्रामको छोरा जन्माएकी हुन् । शुक्रबार साँझ शल्यक्रिया गरी निकालिएको शिशुको लम्बाई ५७ सेन्टिमिटर रहेको चिकित्सकले बताएका छन् । शिशुलाई अहिले एनआइसीयुमा राखिएको छ भने आमा र बच्चा दुबैको स्वास्थ्य अवस्था सामान्य रहेको चिकित्सकले जानकारी दिएका छन् ।