गजल – इन्दिरा प्रयास
२०७३ माघ २४ गते, सोमबार
जो नारीलाई परी र अप्सरा संझिन्छन्
र आफूलाई स्वतन्त्र भमरा संझिन्छन्
उपहार दिएर अनि दबाव दिएर कतै
उर्लदो भेल थामीदिने खतरा संझिन्छन्
भट्टी र कोठामा रात बिताउनेहरु नै
स्वामित्व जमाउदै पत्नी टहरा संझिन्छन्
सन्तानको ख़ुशी हेरी अघाउनेहरुलाई
किन यहाँ तिनैलाई कठैबरा संझिन्छन् ?
हरेक पीड़ा सहेर धरती टेकाउनेलाई
गल्लीमा छोड़ी सृष्टिका जरा संझन्छन्
इन्दु बुझ्न प्रयासरत छे यी वादहरु
के कारण छोरीलाई जमरा संझन्छन् ?
