२०७३ फाल्गुन ४ गते, बुधबार

काठमाडौं,४ फागुन । जापान सरकारले नेपाल सरकारलाई करीब ४ अर्ब ५२ करोड रुपैयाँको अनुदान सहयोग गरेको छ । यस संधर्भमा पोखरामा खानेपानी आपूर्ति सुधार परियोजना सम्बन्धि सम्झौतापत्रमा हस्ताक्षर भएको छ । नेपाल सरकारका तर्फबाट अर्थ मन्त्रालयका सचिव शान्तराज सुवेदी र जापान सरकारका तर्फवाट नेपालका लागि जापानी राजदुत मासासी ओगावाले सम्झौता पत्रमा हस्ताक्षर गरे । परियोजना अन्तर्गत पानी प्रशोधन सहजीकरण तथा वितरण, पाइपलाईन सुधार गरिने छ । परियोजनाको समापन पछि पोखरामा सातामा सातै दिन खानेपानी आपूर्ति र पानीको गुणस्तर स्तरोन्नती हुनेछ ।
परियोजनबाट पानीको चुहावट अनुपात घट्नुका साथै खानेपानी आपूर्तिसँगसम्बन्धित समस्या कम हुने विश्वास गरिएको छ ।