२०७० असार २० गते, बिहीबार

काठमाडौ, २० असार । अन्तरिम मन्त्रिपरिषदका अध्यक्ष खिलराज रेग्मीविरुद्ध परेका रिटहरूको टुङ्गो आज पनि लाग्न सकेन ।आज सबै रिटहरूमाथि वहस भएपछि टुङ्गो लाग्ने बताइएको थियो । बाधा अड्काउ फुकाउ विरुद्धको रिटहरूमाथि अब साउन १७ गते मात्रै सुनुवाई हुने भएको छ । बहालवाला प्रधानन्यायाधीशले सरकारको नेतृत्व गर्नु शक्ति पृथकीकरण सिद्धान्तविपरीत हुने भन्दै अधिवक्ता ओमप्रकाश अर्याल र भरतमणि जंगमले गएको फागुन १५ गते रिट दायर गरेका थिए ।सर्वोच्च अदालतका १० जना न्यायाधीशहरूसहितको आज बसेको विशेष इजलासमा रिटबारे बहस भएको थियो ।