२०७४ असार १२ गते, सोमबार

काठमाडौं, १२ असार । उत्तरपश्चिम कोलम्बियामा एउटा डुंगा डुब्दा कयौं यात्री बेपत्ता भएका छन् । अधिकारीहरुका अनुसार ९ जनाको शव फेला परेको छ । उक्त डुंगामा करिब एक सय ५० यात्री सवार थिए । डुंगामा सवार यात्रीमध्ये अधिकांश पर्यटक रहेको बताइएको छ । तर उनीहरु कुन–कुन मुलुकका थिए भन्नेबारे प्रष्ट भइसकेको छैन ।
मेडलिन सहर नजिकै सो दुर्घटना भएको हो । केही यात्रुको भने उद्धार गरिएको छ । उद्धार गरिएका यात्रुको संख्या खुलाइएको छैन । उद्धारका लागि सेनाको हेलिकोप्टरसमेत परिचालन गरिएको छ । – एजेन्सी