२०७० भाद्र ९ गते, आईतवार

काठमाडौ, भाद्र ९ – नेकपा-माओवादी निकट अखिल नेपाल क्रान्तिकारी बैदेशिक मजदुर संघले सन् २०११ मै दक्षिण कोरियामा रोजगारीमा जानको लागि भाषा परीक्षा ईपीएस उत्तीर्ण गरेर पनि जान नपाएका युवाहरुको आन्दोलनलाई नेतृत्व गर्ने भएको छ ।संघले रिपोर्टर्स क्लबमा पत्रकार सम्मेलन गरेर ईपीएस पीडितहरुले स्वतन्त्र रुपमा लामो समयदेखि आन्दोलन गरे पनि सरकारले वेवास्ता गरेर समस्यालाई समाधानको साटो बेवास्ता गरेकोले आफूहरु आन्दोलनमा उत्रनु परेको स्पष्ट पारेको छ ।पुरानै ईपिएस परिक्षा उतिर्ण गरेर पनि रोजगारीकोलागि कोरिया जान नपाएका ५ हजार ३ सय यूवाहरुलाई बेवास्ता गरेर नयाा परिक्षाकोलागि आवेदन खोलिएपछि समस्या झनै बढेकेा दावी गर्दै पत्रकार सम्मेलनमा संघका अध्यक्ष भीम चापागाईले फेरि यस्तो समस्या नआओस र यूवाहरु हतोत्साहित हुन नपरोस भन्ने उद्देश्यले आफूहरुले ईपिएस पीडितहरुको आन्दोलनलाई नेतृत्व लिनु पर्ने महसुस गरेको बताए ।उनले सरकारलाई ईपीएस पीडितहरुको समस्या समाधान गरेर मात्रै नयाा प्रक्रिया सुरु गर्न सचेत गरााउदै आफूहरुको आग्रहलाई बेवास्ता गरे शसक्त आन्दोलन गर्ने चेतावनी दिए । उनले पर्खाई सूचिमा रहेका ५ हजार ३ सय यूवाहरुलाई कोरिया पठाएर मात्रै नयाा प्रक्रिया सुरु गर्न आग्रह गरे ।
राज्यले गैरजिम्मेवार ढंगले खर्च गर्न लगाएर अहिले जिम्मेवारीबाट पन्छिएको दावी गर्दै तत्काल कुटनीतिक पहलबाट उनीहरुलाई कोरिया पठाउन सुझाव दिए । नेपाल सरकारले कोरिया सरकारसाग राम्रो कुटनीतिक सम्बन्ध निर्माण गर्न नसक्दा समस्या उत्पन्न भएको उनीहरुको ठहर थियो ।