२०७७ आश्विन १९ गते, सोमबार

काठमाडौं । वैदेशिक रोजगार विभाग ताहाचलले अत्यावश्क पर्नेलाई पुनः आजबाट श्रम स्वीकृति दिन लागिएकाे जनाइएकाे छ । वैदेशिक रोजगार विभागले प्रवेशाज्ञा (भिसा) को अवधि सकिन लागेका र तत्काल गन्तव्य मुलुकमा पुग्न नसकी रोजगारी नै गुम्ने समस्या रहेका अति जरूरी परेका सेवाग्राहीलाई प्राथमिकतामा राख्दै अवरूद्ध सेवा सुचारी गरिएकाे हाे ।
त्यहाँ कार्यरत एक जना कर्मचारीमा कोरोना संक्रमण पुष्टि भएपछि गएकाे बुधबारदेखि सेवा रोकिएको थियो । तथापि कार्यालय भने खुलिरहेकै थियाे । साेमबार स्वास्थ्य सावधानी अपनाएर अत्यावश्यक परेकालाइ सीमित सेवा प्रदान गर्न लागिएको कार्यालयले जनाएको छ ।