२०७७ कार्तिक ८ गते, शनिबार

काठमाडौँ । नेपाल कम्युनिस्ट पार्टीको केन्द्रीय जनपरिषद, नेपालले प्रधानमन्त्री केपी वलीले भारतीय खुफिया संस्था ‘र’ का प्रमुख सामन्तकुमार गोयलसँग भेटघाट गर्नु भनेको नेपाल र नेपाली जनताका निम्ति हदै लज्जास्पद विषय भएको बताएको छ । केन्द्रीय जनपरिषद, नेपालका प्रमुख सन्तोष बुढामगरले एक बिज्ञप्ति जारी गर्दै सो कुरा बताएका हुन् । केन्द्रीय जनपरिषदका प्रमुख बुढामगरले नेपालको संसदीय व्यवस्था दलालहरूको हातबाट सञ्चालित छ भन्ने कुरा स्पष्ट गरेको जनाउदै भेटघाटमा कुनविषयमा छलफल भयो भन्ने कुरा गोप्य रहनु गम्भीर आपत्तिको विषय भएको बताएका छन । साथै उनले तत्काल उक्त विषयलाई नेपाली जनता सामु सार्वजनिक गर्न माग समेत गरेका छन ।