२०७७ पुष ३ गते, शुक्रबार

काठमाडौं । विश्व स्वास्थ्य संगठन ‘डब्लुएचओ’ले एसियाली देशहरुमा कोरोना भाइरसविरुद्धको खोप आउन अझै एक वर्ष लाग्न सक्ने जनाएको छ ।
डब्लुएचओका क्षेत्रीय निर्देशक डाक्टर ताकेशी कासाइले एसिया क्षेत्रका देशले सन् २०२१ को मध्य तथा अन्त्यतिर मात्रै खोप ल्याउन सक्ने देखिएको बताएका हुन् । उनले कतिपय देशहरूले खोप ल्याउनका लागि सम्झौता गरेका तर धेरैजसो देशले अझै पनि सुरु गर्न नसकेको बताएका छन् ।
खोपको विकास र प्रभावकारिताको अवस्था अझै पनि परीक्षणकै क्रममा रहेकाले ढिला हुने डब्लुएचओको भनाइ छ । डब्लुएचओले खोपको उत्पादन, गुणस्तर व्यवस्थापन र सबैलाई ठाउँ ठाउँमा पुर्‍याउन पनि चुनौतीपुर्ण रहेको जनाएको छ ।‍ – एजेन्सी