२०७८ फाल्गुन ३ गते, मंगलवार

काठमाडौं । त्रिभुवन अन्तर्राष्ट्रिय विमानस्थलबाट आन्तरिक उडान गर्ने यात्रुलाई ‘प्रिन्टेड टिकट’ अनिवार्य गरिएको भन्दै प्रहरीले प्रबेशमा रोक लगाएको छ । सोही अनुसार वायुसेवा कम्पनीहरुले समेत यात्रुलाई डिजिटल टिकट नभई टिकट प्रिन्ट गरेर आउन सूचित गरेका छन् । नम्बर मात्र लिएर आउने यात्रुको नाम, गन्तब्यसहित स्पष्ट नहुने भएकाले यस्तो व्यवस्था गरिएको प्रहरीले जनाएको छ । टिकट हेर्न सजिलो होस् भनेर यो नियम लागू गरेको त्रिभुवन अन्तर्राष्ट्रिय विमानस्थ सुरक्षा कार्यालयका प्रमुख प्रहरी वरिष्ठ उपरीक्षक भीम ढकालले बताए । टिकट लिएका यात्रुले प्रिन्ट गर्नै झन्झट मान्दा विमानस्थलको सुरक्षा कमजोर हुने उनको दावी छ ।