२०७० फाल्गुन १२ गते, सोमबार

काठमाडौ, १२फागुन ।प्राविधिक शिक्षा तथा व्यबसायिक तालिम परिषद् (सिटिइभिटी)ले आज २६ औं बार्षिकोत्सब मनाउँदैछ ।सिटिइभिटीले पहिलो पटक आफ्नो वार्षिकोत्सव मनाउन लागेको हो । वार्षिकोत्सवको अवसरमा सर्वोत्कृष्ट कर्मचारी, तालिम दिने संस्थालाई पुरस्कृत गर्ने कार्यक्रम रहेको सदस्य सचिव रामहरि लामिछानेले जानकारी दिए । सिटिइभिटीले वार्षिक रुपमा प्राविधिक शिक्षा र सीपमुलक तालिम गरी झण्डै १ लाख जनालाई तालिम दिंदै आएको छ ।
प्राविधिक शिक्षा पाएका ८० प्रतिशतले र सीपमूलक तालिम पाएका ५० देखि ६० प्रतिशतले रोजगार पाएका सिटिइभिटीको दाबी छ । यस्तै ‘सीपयुक्त नेपाल समृद्ध नागरिक’ भन्ने नाराका साथ सिटिइभिटीले रणनीतिक योजना तयार पारेको छ ।
राष्ट्रिय प्राविधि शिक्षा कोष विकास गरी बेरोजगारको समस्या समाधान गर्न सीपमुलक तालिमलाई प्राथमिकतामा राखेर रणनीति तयार पारेको सदस्य सचिव लामिछानेले बताए । उनका अनुसार महिला र विपन्न वर्गको आर्थिक स्तर बढाउन अहिले विशेष कार्यक्रम पनि भैरहेको छ ।