२०७० फाल्गुन १४ गते, बुधबार

कानो , १४ फाल्गुन – नाइजेरियाको सशस्त्र विद्रोही समूह बोको हरामका बन्दुकधकारीले एक माध्यमिक विद्यालयका विद्यार्थीमाथि अन्धाधुन्ध गोली प्रहार गरी ४३ को हत्या गरेको छ । विद्यार्थीहरू सुतिरहेको बेला बिहान छात्रावासलाई लक्षित गरी यो आक्रमण भएको थियो । हताहती हुनेको संख्या अझ बढ्न सक्ने अधिकारीहरूले जनाएका छन् । पश्चिमी नाइजेरियाको दामातुरु राज्यको राजधानीबाट करिब ६० किलोमिटरको दूरीमा यो घटना भएको थियो । मारिने सबै विद्यार्थी भए-नभएको स्पष्ट भएको छैन । यसबारे अनुसन्धान सुरु भएको छ । प्रहरीले प्रायः विद्यार्थी भएको अनुमान गरेको छ । उनीहरू १० देखि १८ वर्ष उमेरका छन् । केही विद्यार्थी नराम्ररी घाइते भएका छन् ।- एएफपी