नेपाल भारत मैत्रीपूर्ण फुटबल खेल हुदै

२०७२ भाद्र १४ गते, सोमबार

काठमाडौं, १४ भदौ । नेपालको सिनियर राष्ट्रिय फुटबल टोलीले आज भारतसँग मैत्रीपूर्ण फुटबल खेल खेल्दैछ । काठमाडौंमा गत शनिवार सम्पन्न साफ अण्डर नाईन्टीन च्याम्पियनसिप फुटबलमा नेपाली युवा टोलीले उपाधि जितेसँगै सिनियर टोली केही उत्साहित र केही दबाबमा छ । अण्डर नाईन्टिन च्याम्पियनसिपको फाईनलमा भारतलाई पेनाल्टी शुट आउटमा हराउँदै नेपाल विजयी भएको थियो ।
भारतको पुनेमा सोमबार हुने सिनियर टोलीको भिडन्तमा पनि नेपाल विजयी हुने लक्ष्यमा साथ मैदानमा उत्रिदैछ । तर राष्ट्रिय टोलीले पछिल्ला खेलहरुमा गरेको निराशाजनक प्रदर्शन र गोलको खडेरी चिर्न भने सोमबार पनि निकै संघर्ष गर्नुपर्ने देखिन्छ । नेपाली टोलीका नयाँ प्रशिक्षक बेल्जियन नागरिक प्याट्रिक असेम्सका लागि पनि आजको खेल दक्षिण एशियाली फुटबलमा पहिलो अनुभव हुनेछ । दुई वर्षअघि काठमाडौंमा सम्पन्न साफ च्याम्पियनसिप फुटबलमा भारतलाई हराएको नेपाल आज त्यही सफलता दोहोर्‍याउने दाउमा छ ।

प्रतिक्रियाहरु

[anycomment]

सम्बन्धित समाचारहरु