२०८१ श्रावण २० गते, आईतवार

काठमाडौँ । एनसीसीएसको आयोजनामा १६ औं हिमालयन मेला क्यानडामा हुने भएको छ । सन् २००५ देखि मनाइँदै आएको सो मेला आगामी शनिबार अगस्ट १० देखि शुरु हुने भएको बताइएको छ । क्यानडाको टोरन्टोमा बसोबास गर्ने नेपाली समुदायले सन् २००२ मा स्थापना गरेको गैर नाफामुलक संस्था ‘नेपलीज क्यानेडीयन कम्युनिटी सर्भिसेज’ (एनसीसीएस)को आयोजनामा उक्त मेला सञ्चालन हुन लागेको हो । यस संस्थाले नेपालभित्र मनाइने चाड–पर्वहरुको प्रवर्धन समेत गर्दै आएको छ ।
यस मेलामा नेपालका ख्यातिप्राप्त गायक–गायिकाहरु अञ्जु पन्त, तिलक बम मल्ल र स्थानीय कलाकारहरुले प्रस्तुती दिनुका साथै विभिन्न क्षेत्रबाट आफ्नो व्यवसायको प्रदर्शन र प्रवर्धन गरिने आयोजकले जनाएको छ ।