१० औं तारादेवी स्मृति दिवस मनाईंदै
२०७२ माघ ९ गते, शनिबार
काठमाडौ, ९ माघ । आज १० औं तारादेवी स्मृति दिवस विभिन्न कार्यक्रम गरी मनाईंदै छ । २००२ माघ २ मा काठमाडौंको इन्द्राचोकमा जन्मिएकी गायीका तारा देवीको २०६२ को माघ ९ गते निधन भएको थियो । उनको सम्झनामा काठमाडौंको महाराजगञ्जमा रहेको आस्था कलाकेन्द्रमा बिहान विशेष कार्यक्रम हुँदैछ । तारादेवीले गाउनु भएका उकाली ओरालीहरुमा, तिमिलाई हाँसेर, कालिपारे दाई कति राम्रो, फूलको थुँगा, सोचेजस्तो हुन्नु जीवन लगायतका गीत लोकप्रिय छन् ।
अहिले गायीका तारादेवीको सम्झनामा स्मृति प्रतिष्ठान गठन गर्ने पहल पनि भइरहेको छ ।
