२०७३ जेष्ठ २९ गते, शनिबार

काठमाडौं, २९ जेठ । अमेरिकी राज्य फ्लोरिडाको ओरल्याण्डो सहरमा एक जना गायिकालाई कन्सर्ट सकिएलगत्तै गोली हानिएको छ । अधिकारीहरुका अनुसार अमेरिकी टेलिभिजन कार्यक्रम ‘द भ्वाइस’मा समेत भाग लिइसकेकी गायिका क्रिस्टिना ग्रिमीको अवस्था गम्भीर छ। प्रहरीका अनुसार क्रिस्टिनामाथि त्यतिबेला गोली प्रहार गरियो जतिबेला उनी अटोग्राफ दिइरहेकी थिइन् ।
आक्रमणकारीलाई क्रिस्टिनाकै भाइले समातेका थिए । तर, गायिकामाथि गोली प्रहार गरेर आक्रमणकारीले आफूमाथिसमेत गोली प्रहार गरेका छन् । २२ वर्षीया क्रिस्टिननालाई स्थानीय अस्पताल पुराइएको प्रहरीले जनाएको छ। प्रहरीले आक्रमणकारीको नाम भने बताएको छैन । सन् २०१४ मा ‘द भ्वाइस’ को छैठौ सिजनमा क्रिस्टिना तेस्रो नम्बरमा रहेकी थिइन् । आक्रमणकारीसँग दुई वटा बन्दुक रहेको प्रहरीले जनाएको छ। प्रहरीले घटनाको छानविपन सुरु गरिसकेको जनाएको छ।- एजेन्सी