२०७५ जेष्ठ १८ गते, शुक्रबार

शहीदका थोपा थोपामा
मज्दूरका पसिनाका नदीहरूमा
ऊर्जाशील कर
हामी क्रान्तिकारीमा
विरामीका वेडहरूमा
उसले पिउँने पानीमा
इन्कलाब कर
भो नबोल मान्छे
तिम्रा बोलीहरूमा
कर लाग्दै छ
मौन बस
मल्लका ठाँटीहरूमा
ठाँटीमा बस्दा होस्
पेटीमा हिँडोस्
करले छोड्ने वाला छैन
गाँस बास र कपासका कुराहरू नगर
अब यो शहरमा
किसानको बारीमा लाग्छ कर
त्यहीँबाट आएका सामानहरू
वातावरणलाई उछिन्न खोज्छन्
विरामीले तिरेका कर
सिँहजस्ता व्यापारीहरूलाई
सहज हुन्छ !
जिन्दावाद मूर्दावाद तिर नदगुर मान्छे
कोलाहाल छ