पागल हुन मन् छ – बलराम तिमल्सिना
२०७६ मंसिर २३ गते, सोमबार
मलाई साँच्चै साँच्चै साँच्चै पागल हुन मन् छ !
पागलपनका सवै सीमा र उचाई छुन मन् छ !
तिम्रा जुत्ता चाटी चाटी टिलिक्क टल्काउँने-
सद्देहरूको देखेर हालत् बेस्सरी रुन मन् छ !
हाम्रो रगत हाम्रो पसिना हाम्रो आँसुले हैन !
तिम्रो रगत र आँसुले अव धरती धुन मन् छ !
मान्छे मान्छे एकाम्य बन्ने आदिम कलजस्तै !
घुमेर चक्र समाजको पुग्नलाई पुन: मन् छ !
लुकाउँदिन सपना मेरो खुला खुला म भन्छु !
ओ शासक हो खुलेर भन्छु सवैले सुन मन छ !
