प्रगतिशील हाँगा अनि जराहरू गल्न दिँदैनौं
आए पनि आधिबेरी हुरीबतास ढल्न दिँदैनौं

गर्मीसँगै सारा पर्यावरण प्रचण्ड भए तापनि
वरिपरि थुप्रिएका पात पतिङ्गर बल्न दिँदैनौं

स्वयं कोर्छु मार्गचित्र कार्यदिशा पनि सरकार
विदेशीको ईशारामा कदापीकोइ चल्न दिदैनौं

वर्षौं वर्ष लगाई हुर्काएको अञ्जिरको वृक्षमा
राष्ट्रघाती,जनघाती विषालु फल फल्न दिदैनौं

प्रगतिशील हाँगा अनि जराहरू गल्न दिँदैनौं
आए पनि आधिबेरी हुरीबतास ढल्न दिँदैनौं

• हेटौँडा, मकवानपुर