ठालुहरु ता …….
नारायण शर्मा
२०७८ कार्तिक ११ गते, बिहीबार
ठालुहरु ता ठगदार रहेछन् !
कालुहरु पो दिलदार रहेछन् !!
बुद्धिजीवीहरु ता बुद्धू रहेछन् !
अबोधहरु पो बुद्ध रहेछन् !!
विद्वानहरुमा अभिमान रहेछन् !!!
अन्जानहरुमा महाज्ञान रहेछन् !!!!
ठालुहरु ता ठगदार रहेछन् !
कालुहरु पो दिलदार रहेछन् !!
विज्ञहरु ता बिक्ने रहेछन् !
अनभिज्ञहरु पो टिक्ने रहेछन् !!
अग्लाहरु ता दुर्जन रहेछन् !!!
होंचाहरु पो सज्जन रहेछन् !!!!
ठालुहरु ता ठगदार रहेछन् !
कालुहरु पो दिलदार रहेछन् !!
पढालिखाहरु ता बडाबाङ्गा रहेछन् !
अनपढहरु पो सीधासादा रहेछन् !!
सक्षमहरु ता अक्षम्य रहेछन् !!!
अक्षमहरु पो अदम्य रहेछन् !!!!
ठालुहरु ता ठगदार रहेछन् !
कालुहरु पो दिलदार रहेछन् !!
भोगीहरु ता भुक्दारहेछन् !
योगीहरु पो योगदा रहेछन् !!
उच्चाहरु ता लुच्चा रहेछन् !!!
होँचाहरु पो साँच्चा रहेछन् !!!!
ठालुहरु ता ठगदार रहेछन् !
कालुहरु पो दिलदार रहेछन् !!
“महान”हरु ता बाहन रहेछन् !
बाहनहरु पो महान् रहेछन् !!
साँढेगोरु ता गद्दार रहेछन् !!!
गधा-गाई पो समझदार रहेछन् !!!!
ठालुहरु ता ठगदार रहेछन् !
कालुहरु पो दिलदार रहेछन् !!
भद्र भनाउँदा ता भ्रष्ट रहेछन् !
शूद्र भनिएका पो स्वच्छ रहेछन् !!
बडाहरु ता दुष्ट रहेछन् !!!
बच्चाहरु पो इष्ट रहेछन् !!!!
ठालुहरु ता ठगदार रहेछन् !
कालुहरु पो दिलदार रहेछन् !!
कालुहरु पो दिलदार रहेछन् !!!
ठालुहरु ता ठगदार रहेछन् !!!!
*
