२०८१ चैत्र १ गते, शुक्रबार

काठमाडौँ । साहित्यकार लीलबहादुर क्षेत्रीको निधन भएको छ । भारतको आसाममा स्थायी बसोबास भएका उनको ९३ वर्षको उमेरमा बिहीबार राति गुवाहाटीमा निधन भएको साहित्यक पत्रिका शब्दपथका प्रबन्ध सम्पादक मुरारी सिग्देलले जानकारी दिए ।
साहित्यकार क्षेत्रीले जगदम्बाश्री पुरस्कारबाट सम्मान प्राप्त गरेका थिए । भानु पुरस्कारबाट पनि सम्मानित उनले नेपाली भाषा साहित्यमा ‘बसाइँ, अतृप्त र बह्मपुत्रको छेउछाउ’, उपन्यास र ‘आसाममा नेपाली भाषाको साह्रोगाह्रो’ निबन्ध संग्र्रहका साथै कथा, निबन्ध र नाटक लेखेर योगदान पुर्‍याएका थिए । साहित्यकार क्षेत्रीलाई भारत सरकारले सर्वोच्च नागरिक पुरस्कार पद्मश्रीबाट पनि सम्मान गरेको थियो ।