२०७१ जेष्ठ १२ गते, सोमबार

काठमाडौं, १२ जेठ। काठमाडौँको बजारमा सर्वसाधारणले मसलाका रूपमा प्रयोग गर्ने अदुवाको मूल्य वृद्धि भएको छ ।गएको ६ महिना अघिसम्म प्रतिकेजी रु १७० मा पाइने अदुवाको मूल्य वृद्धि भएर हाल प्रतिकेजी रु २५० पुगेको छ ।असनका व्यापारी राजन डङ्गोलका अनुसार नयाँ अदुवा नआएसम्म यसको मूल्य अझै बढ्ने सम्भावना हुन्छ ।
काठमाडौँको असन, मरु, गोङ्गबु, कालिमाटी आदि क्षेत्रमा पसलैपिच्छे फरकफरक मूल्य रहेको र खुद्रा किन्दा पाउको रु ६० सम्म लिने गरेको पाइन्छ ।
भदौपछि नयाँ अदुवा बजारमा आएपछि मात्र अदुवाको मूल्यमा कमी आउने व्यापारी बताउँछन् ।