२०७२ फाल्गुन १३ गते, बिहीबार

काठमाडाें, १३ फागुन । हिजो महानगरीय अपराध महाशाखाले उपत्यकाका १८ वटा म्यानपावरमा छापा मारेपछि वैदेशिक रोजगार व्यवसायी महासंघले आजबाट सम्पूर्ण म्यानपावर बन्द गरी कामकाज ठप्प पारेका छन । उनीहरुले प्रहरीले छापा मारेको भन्दै राजधानीका सम्पूर्ण म्यानपावर कम्पनीहरु आजबाट बन्द गरेका हुन् । हिजो प्रहरीले ठगी गरेको भन्दै १४ जना म्यानपावर संचालकलाई पक्राउ गरेको थियो। जसमा ३ जना महिला संचालक पनि छन् । प्रहरीले आफ्नो कार्यक्षेत्रबाहिर गएर म्यानपावर कम्पनीमा छापा मारेको महासंघले जनाएको छ। आजबाट म्यानपावर बन्द भएपनि भिसा आएर विदेश जान ठिक्क परेकाहरुलाई सात दिनभित्र उडाउन पनि महासंघले सबैसंग आग्रह गरेको छ । उपत्यकामा ६ सय २५ भन्दा बढी म्यानपावर कम्पनी छन् ।