२०७२ फाल्गुन ३० गते, आईतवार

काठमाडौं, ३० फागुन । महानगर यातायात प्रालिले आजदेखि अत्याधुनिक प्रविधि जडित हाइटेक मेट्रो सेवा सुरु गर्न लागेको छ । प्रालिले आजबाट राजधानीका सडकमा हाइटेक मेट्रो बस कुद्ने बताएको छ । प्रालिले नेपालमै पहिलोपटक अत्याधुनिक प्रविधि जडित हाइटेक मेट्रो सेवा सुरु गर्न लागेको हो । हाइटेक बस सञ्चालन भएसँगै सकसपूर्ण सार्वजनिक यातायातलाई केही मात्रामा भए पनि सहज, सुरक्षित, आनन्ददायी र मनोरञ्जनात्मक हुने भएको छ । यसले सेवा दिन थालेपछि सार्वजनिक यातायालते नयाँ परिभाषा पाउने विश्वास महानगर यातायात प्रालिको छ । आजबाट राजधानीमा ३९ वटा मेट्रोवस पहिलो चरणमा सञ्चालनमा आउने प्रालीले जनाएको छ ।