२०७२ चैत्र ७ गते, आईतवार

काठमाडौं, ७ चैत । चितवन मेडिकल कलेजमा कार्यरत तीस मजदुरलाई प्रहरी नियन्त्रणमा लिएको छ । स्थायी हुनुपर्ने र तलब वृद्धि गर्नुपर्ने माग गर्दै आन्दोलनमा उत्रिएका नेकपा माओवादी विप्लव निकट अखिल नेपाल स्वास्थ्य तथा सरसफाइ श्रमिक मजदुर सङ्घमा आबद्ध मजदुरहरुलाई प्रहरीले आज बिहान नियन्त्रणमा लिएको हो । उनीहरुले अस्पतालको बहिरङ्ग सेवा बन्द गराउन खोजेपछि प्रहरीले हस्तक्षेप गरी ३० जनालाई नियन्त्रणमा लिएको प्रहरी प्रमुख प्रहरी उपरीक्षक वसन्तबहादुर कुँवरको आरोप छ ।