२०७३ बैशाख १७ गते, शुक्रबार

काठमाडौं, १७ वैशाख । हस्तकलाको आन्तरिक बजार बिकास तथा निर्यात प्रवद्र्धन गर्ने उद्देश्यले आगामी बैशाख २३ गतेदेखि १३र्औ हस्तकला ब्यापार मेला तथा ११औं प्रतियोगितात्मक हस्तकला प्रर्दशनी हुँदै छ ।
वाणिज्य मन्त्रालयको सहयोगमा नेपाल हस्तकला महासंघको आयोजनामा हुन लागेको ५ दिने प्रदर्शनीले भुकम्प र नाकाबन्दीपछि प्रभावित हस्तकलाको बजार प्रबद्र्धनमा सहयोग पुर्‍याउने विश्वास आयोजकको छ । नेपालको निर्यात ब्यापार र आन्तरिक बजारमा हस्तकला क्षेत्रको महत्वपूर्ण स्थान रहेको छ । हस्तकलाको निर्यात संयुक्त राज्य अमेरिका, युरोपियन मुलुकहरु जर्मनी, फान्स, बेलायत, जापान, चीन, भारत लगायत ८० भन्दा बढि मुलुकहरुमा १० अरब भन्दा बढिको निर्यात हुँदै आएको जनाइएको छ । देश भित्र आन्तरिक उपभोग करिब १० अरब बराबरको रहेको महासघंले जनाएको छ ।