२०७४ जेष्ठ २९ गते, सोमबार

काठमाडौं , २९ जेठ । माथिल्लो तामाकोसी जलविद्युत् आयोजनाले डबल सर्किट प्रसारणलाइनको काम करिब ६० प्रतिशत सम्पन्न भएको जनाएको छ ।
आयोजनाका प्रवक्ता डा. गणेश न्यौपानेले विभिन्न स्थानका १७ ओटा टावरमा साढे ४ किलोमिटर डबल सर्किट तार जडान भइसकेको जानकारी दिए । कुल १२७ ओटा टावरमध्ये ९४ ओटा पूर्णरुपमा निर्माण सकेर अर्थिङ गर्ने कामसमेत भइसकेको प्रवक्ता डा. न्यौपानेले बताए । दोलखाको मेलुङमा निर्माण हुन लागेको सवस्टेसनको पनि आंशिक सर्भे भइरहेको आयोजनाले जनाएको छ ।