२०७४ असार ८ गते, बिहीबार

काठमाडौ, ८ असार। आज बसेको मन्त्रीपरिषद बैठकलेले काठमाडौं–निजगढ दू्रतमार्ग निर्माणका लागि कार्यविधि बनाएको छ । बैठकले काठमाडौं–निजगढ दु्रतमार्ग निर्माणका लागि तयार पारिएको कार्यविधि अनुमोदन गरेको हो । दू्रतमार्ग निर्माण कार्य छिटो सम्पन्न हुनेगरी कार्यविधि तयार पारिएको सरकारका प्रवक्ता एवम् अर्थमन्त्री ज्ञानेन्द्रबहादुर कार्कीले जानकारी दिए । स्वदेशी लगानीमै सम्पन्न गर्नेगरी सरकारले काठमाडौं–निजगढ दू्रतमार्ग निर्माण गर्ने जिम्मेवारी नेपाली सेनालाई दिईसकेको छ ।
सरकारले स्वास्थ्य मन्त्रालयको सचिवमा किरण रेग्मीलाई नियुक्त पनि गरेको छ । त्यसैगरी न्यायाधिश बाबुराम रेग्मीलाई विशेष अदालतको सदस्यमा नियुक्त गरिएको छ । मन्त्रीपरिषद बैठकले एशीयाली विकास बैंकले उपलब्ध गराउने १ सय ५० मिलियन अमेरिकी डलर बराबरको आर्थिक सहायता लिने स्विकृति पनि दिएको छ ।
अर्थमन्त्री कार्कीले आर्थिक सहायता रकम खर्चबारे विस्तृत योजना बनाउन अर्थ मन्त्रालयका सहसचिव नेतृत्वको कार्यदल नै बनाइएको जानकारी पनि दिए ।