२०७४ फाल्गुन २१ गते, सोमबार

काठमाडौँ , २१ फागुन । नेपाल आयल निगमले पेट्रोलको मूल्य घटाएको छ। निगमले आइतबार साँझवाट पेट्रोलको मूल्य १ रुपैयाँले घटाएको हो। स्वचालित मूल्य निर्धारण प्रणालीअनुसार अब पेट्रोलको मूल्य रु १०४ बाट घटेर रु १०३ कायम भएको छ। यो काठमाडौँ उपत्यकामा आधारित मूल्य हो। अन्य पेट्रोलियम पदार्थको मूल्य भने यथावत् रहेको आयल निगमका प्रवक्ता वीरेन्द्र गोइतले जानकारी दिए। अब निगमले पाक्षिकरुपमा रु १५ करोड नाफा गर्ने प्रक्षेपण गरिएको छ।