२०७७ कार्तिक २० गते, बिहीबार

काठमाडौ । अख्तियार दुरुपयोग अनुसन्धान आयोग हेटौंडाको टोलीले १० लाख रुपैयाँ घुस रकमसहित हेटौंडाबाट एक इन्जिनियरलाई पक्राउ गरेको छ । अख्तियारको टोलीले घुस लिँदा लिँदै गरेको अवस्थामा नेपाल विद्युत प्राधिकरण अन्तर्गतको हेटौंडा–भरतपुर–बर्दघाट विद्युत प्रसारण विस्तार आयोजनाका प्रमुख इन्जिनियर ईश्वरी प्रसाद जैसवाललाई प्रक्राउ गरेको हो। इन्जिनियर जैसवाल हेटौंडा–१० बसपार्क मेगा होटलबाट पक्राउ परेका हुन । प्रसारण लाइनको ठेकेदारसँग घुस रकम लिँदै गरेको अवस्थामा जैसवाललाई पक्राउ परेको अख्तियार हेटौंडाले जनाएको छ।