२०७८ असार २९ गते, मंगलवार

काठमाडौं। कामना सेवा विकास बैंक लिमिटेडले ‘९५ केएसबिबिएल डिबेन्चेर २०८८’ नामक ऋणपत्र जारी गर्ने तयारी गरेको छ। सो बैंकले एक अर्ब रुपैयाँबराबरको ऋणपत्र जारी गर्ने र ऋणपत्र निष्कासनका लागि कामना सेवा विकास बैंक र एनआइबिएल एस क्यापिटलबीच सम्झौता भइसकेको जनाएको छ।
सम्झौतापत्रमा बैंकका तर्फबाट प्रमुख कार्यकारी अधिकृत प्रवीण बस्नेत र एनआइबिएल एस क्यापिटलका तर्फबाट सहायक महाप्रबन्धक सचिन्द्र ढुंगानाले हस्ताक्षर गरेका छन्। बैंकले १ हजार अंकित दरका कुल १० लाख एकाइको ‘९५ केएसबिबिएल डिबेन्चेर २०८८’ नामक ऋणपत्र जारी गर्नेछ। निष्कासन गर्न लागेको ऋणपत्र बिक्री प्रबन्धकमा एनआइबिएल एस क्यापिटल लिमिटेड रहेको छ।